பள்ளி மாணவிகளுக்கு பாலியல் தொந்தரவு - ஆசிரியர் சிறையில் அடைப்பு

சேலம் மாவட்டம், காடையாம்பட்டி அருகே உள்ள நடுப்பட்டி அரசு மேல்நிலைப் பள்ளி உள்ளது. இதில் திருச்சி மாவட்டம் மணப்பாறை தாலுக்கா பொன்னம்பலம்பட்டி பகுதியை சேர்ந்த ராஜமாணிக்கம்(50) பத்தாம் வகுப்பு ஆசிரியராக பணியாற்றி வருகிறார். இவர் அப்பள்ளியில் படிக்கும் 3 மாணவிகளுக்கு பாலியல் தொந்தரவு கொடுத்ததாக கூறப்படுகிறது. இதையடுத்து பெற்றோர்கள் கொடுத்த புகார் அடிப்படையில் தீவட்டிப்பட்டி போலீசார் ராஜமாணிக்கத்தின் மீது போக்சோ வழக்குப் பதிவு செய்தனர். பின்னர் அவரை கைது செய்து சேலம் மத்திய சிறையில் அடைத்தனர்.