கள்ளச்சாராய விவகாரம்... இறுகபிடித்துக் கொண்ட இபிஎஸ்... அதிமுக ஆர்பாட்டம்!

கள்ளக்குறிச்சி கள்ளச்சாராய மரணத்தை குறித்து சட்டமன்றத்தில் பேச அனுமதி மறுத்து சஸ்பெண்ட் செய்யப்பட்டதை கண்டித்தும், இந்த வழக்கை சிபிஐ விசாரணை கோரியும் எதிர்க்கட்சித் தலைவர் எடப்பாடி பழனிசாமி தலைமையில் அதிமுக எம்.எல்.ஏ.க்கள் உண்ணாவிரத போராட்டத்தில் ஈடுபட்டு வருகின்றனர்.

கள்ளச்சாராய மரணம் தொடர்பாக சிபிஐ விசாரிக்க வேண்டும் என்று அதிமுக சார்பாக ஆர்பாட்டம் நடைபெற்ற நிலையில உண்ணாவிரதப் போராட்டம் இன்று நடத்தப்படுகிறது.

சென்னை எழும்பூர் ருக்மணி லட்சிமிபதி சாலையில் அமைந்துள்ள ராஜரத்தினம் ஸ்டேடியத்தின் அருகில் அதிமுகவினர் இன்று காலை முதல் உண்ணாவிரதப் போராட்டத்தில் ஈடுபட்டு வருகின்றனர். காலை 9 மணியளவில் அதிமுக பொதுச்செயலாளர் எடப்பாடி பழனிசாமி போராட்ட பந்தலுக்கு வருகை தந்தார்.

அதிமுக சட்டமன்ற நாடாளுமன்ற உறுப்பினர்கள், முன்னாள் அமைச்சர்கள், கட்சி நிர்வாகிகள், தொண்டர்கள என அந்த பகுதி முழுக்க அதிமுகவினர் கருப்பு சட்டை அணிந்து போராட்டத்தில் ஈடுபட்டுள்ளனர்.