பொறியியல் படிப்புகளுக்காக இதுவரை 2,15,617 மாணவர்கள் விண்ணப்பம்

பன்னிரெண்டாம் வகுப்பு பொதுத்தேர்வு முடிவுகள் வெளியான நிலையில், பொறியியல் படிப்புகளுக்கான ஆன்லைன் விண்ணப்ப கடந்த மே 6ஆம் தேதியன்று ஆன்லையில் தொடங்கியது. அதன்படி www.tneaconline.org என்ற இணையதளம் வாயிலாக விண்ணப்பங்களை பதிவு செய்யலாம். மேலும் மாவட்டங்களில் உள்ள பொறியியல் சேர்க்கை சேவை மையம் சென்றும் மாணவர்கள் விண்ணப்பிக்கலாம் எனவும் அறிவிக்கப்பட்டுள்ளது.

பொறியியல் படிப்பிற்கு விண்ணப்பிக்கும் மாணவர்கள் ஜூன் 6 ஆம் தேதி வரை விண்ணப்பபதிவு செய்யலாம் என தெரிவிக்கப்பட்டுள்ளது. இன்று மாலை 6:00 மணி வரை 2,15,617 மாணவர்கள் விண்ணப்பித்துள்ளனர்.அவர்களில் 1,64,393 பேர் விண்ணப்ப கட்டணத்தை செலுத்தி இருக்கிறார்கள். 1,27,663 பேர் சான்றிதழ்களை பதிவேற்றம் செய்திருக்கிறார்கள்.