தமிழக ஆளுநா் ஆா்.என். ரவி, வருகைக்கு எதிர்ப்பு தெரிவித்து போராட்டம்

சென்னையிலிருந்து விமானம் மூலம் காலை 10.15 மணிக்கு திருச்சி விமான நிலையம் வந்தடையும் ஆளுநர் ஆர்.என்.ரவி அவா், அங்கிருந்து, ஸ்ரீரங்கம் செல்கிறாா். அங்கு ஸ்ரீமத் ஆண்டவன் கலை மற்றும் அறிவியல் கல்லூரியில் நடைபெறும் வெள்ளிவிழா நிகழ்வுகளில் சிறப்பு அழைப்பாளராக பங்கேற்று, பரிசுகளை வழங்கி பேசுகிறாா். பின்னா் அங்கிருந்து திருச்சி தேசியக் கல்லூரியில் நடைபெறும் சா்வதேச அளவிலான விளையாட்டு கருத்தரங்கில் சிறப்பு அழைப்பாளராக பங்கேற்று பேசுகிறாா். இந்நிலையில் ஆளுநர் ஆர்.என்.ரவி தமிழ்நாட்டிற்கு எதிராக செயல்படுவதாக குற்றம்சாட்டி அவருக்கு எதிராக சி.பி.எம் கட்சியினர் திருவானைக்காவல் அருகே கருப்பு கொடி காட்டி, அவர் தமிழ்நாட்டை விட்டு வெளியேற வலியுறுத்தி சாலை மறியல் போராட்டத்தில் ஈடுபட்டுள்ளனர். போராட்டத்தில் ஈடுபட்ட அனைவரையும் காவல்துறையினர் கைது செய்தனர்.