ரூ.65 கோடி மதிப்பீட்டில் தமிழ்நாடு சிறுதானிய இயக்கம் - வேளாண்மை துறை

விவசாயிகளின் நலன் கருதி, சிறுதானியங்களின் பரப்பு, உற்பத்தியை அதிகரிக்கும் நோக்கத்தில், தமிழ்நாடு சிறுதானிய இயக்கம், 2023- 24 முதல் 2027-28 வரையிலான 5 ஆண்டுகளில் செயல்படுத்தப்படும் என 2023-24 ஆண்டிற்கான வேளாண் நிதிநிலை அறிக்கையின் போது அறிவிக்கப்பட்டது. அதன்படி, 2023-24ஆம் ஆண்டில் ரூ.65 கோடி நிதி ஒதுக்கீட்டில், தமிழ்நாடு சிறுதானிய இயக்கம், சிறுதானியங்கள் பெருமளவில் சாகுபடி செய்யப்படும் 25 மாவடடங்களைக் கொண்ட, இரண்டு சிறுதானிய சிறப்பு மண்டலங்களில் செயல்படுத்தப்பட்டுள்ளது. இத்திட்டம், 2024-25ஆம் ஆண்டிலும் ரூ.65 கோடி மதிப்பீட்டில் தொடர்ந்து செயல்படுத்தப்படும்.