வேளச்சேரியில் தமிழச்சி தங்கபாண்டியன் வாக்கு சேகரிப்பு

.சென்னை, வேளச்சேரி மேற்கு 177-வது வட்டம் பகுதியில் 12-வது நாளாக, இன்று இரண்டாம் கட்டமாக திமுக தென் சென்னை வேட்பாளர் தமிழச்சி தங்கபாண்டியன் பொது மக்களை நேரில் சந்தித்து வாக்கு சேகரிப்பில் ஈடுபட்டார். இந்த 12-வது நாள் வாக்கு சேகரிப்பை வேளச்சேரி சட்டமன்ற உறுப்பினர் ஜே.எம்.வி. ஆசான் மௌலானா, கழக சுற்றுச்சூழல் அணியின் மாநில துணைச் செயலாளர் செல்வகுமார் ஆகியோர் தேர்தல் பிரச்சாரத்தினை தொடங்கி வைத்தார். இன்று காலை ராஜீவ் நகர் அம்மன் கோவில் தெரு, கங்கை நகர், லட்சுமி நகர், ராஜீவ் நகர் விக்னேஷ் சாலை, நேதாஜி காலனி நான்காவது தெரு, கிருஷ்ணராஜா நகர், ஆண்டாள் நகர், ஏ.ஜி.எஸ் காலனி என மொத்தம் 30 இடங்களில் வாக்கு சேகரித்தார் இன்று வேளச்சேரி பகுதியில் காலை 8.00 மணி அளவில் தொடங்கிய வாக்கு சேகரிப்பு மதியம் 1.00 மணிக்கு நிறைவு பெற்றது. அதன் தொடர்ச்சியாக இன்று இரண்டாம் கட்டமாக வாக்கு சேகரிப்பை மாலை 5.00 மணிக்கு தொடங்கினார் இந்த இரண்டாம் வாக்கு சேகரிப்பு எம்.ஜி.ஆர். நகர், வடுவம்பாள் நகர் ,வெங்கடேஸ்வரா நகர், சக்தி பௌனம்மாள் தெரு, இரட்டை பிள்ளையார் கோயில் தெரு, வ.உ.சி. தெரு, பத்மாவதி நகர் , சங்கர் நகர் , மேலும் கங்கை அம்மன் கோவில் தெருவில் நிறைவு பெற்றது. திமுக கூட்டணியில் இடம் பெற்றிருக்கக் கூடிய அனைத்து அரசியல் கட்சி நிர்வாகிகள் இருசக்கர வாகனங்களில் தனது கட்சி கொடியை கட்டிக்கொண்டு வாக்கு சேகரிப்பில் ஈடுபட்டனர்.