வாக்குச்சாவடி மையங்களில் ஆய்வு செய்தஆட்சியர்!

ராணிப்பேட்டை மாவட்டம் வாலாஜா ஒன்றியம் செட்டிதாங்கள் ஊராட்சி அரசு உயர்நிலைப் பள்ளியில் வாக்குச்சாவடி மையத்தின் அடிப்படை வசதிகள் குறித்து மாவட்ட தேர்தல் நடத்தும் அலுவலரும் மாவட்ட ஆட்சியருமான வளர்மதி இன்று நேரில் பார்வையிட்டு ஆய்வு செய்தார். இதே போல சிப்காட் வ உ சி நகரில் உள்ள அரசு உயர்நிலைப்பள்ளி வாக்குச்சாவடி மையம், மணியம்பட்டு ஊராட்சி ஒன்றிய தொடக்கப்பள்ளி வாக்குச்சாவடி மையம், லாலாபேட்டை ஊராட்சி ஒன்றிய தொடக்கப்பள்ளி வாக்குச்சாவடி மையம் போன்றவற்றில் ஆட்சியர் வளர்மதி ஆய்வு செய்தார். இந்த ஆய்வின்போது வட்டாட்சியர் வெங்கடேசன் மற்றும் துறை சார்ந்த அதிகாரிகள் பலர் உடன் இருந்தனர்.