குளியலறையில் வழுக்கி விழுந்த மூதாட்டி சாவு!

வேலூர்மாவட்டம் பள்ளிகொண்டா ரங்கநாதர் கோவில் தெருவை சேர்ந்தவர் வேலாயுதம். இவரது மனைவி சந்திரம்மாள் (70). இவர் கடந்த 21-ந் தேதி தனது வீட்டு குளியல் அறையில் வழுக்கி விழுந்து மயக்கமடைந்தார். அவரை குடும்பத்தினர் மீட்டு குடியாத்தம் அரசு மருத்துவமனையில் அனுமதித்தனர். பின்னர் மேல் சிகிச்சைக்காக வேலூர் அரசு மருத்துவமனைக்கு அனுப்பி வைத்தனர். அங்கு சிகிச்சை பலனின்றி நேற்று இரவு சந்திரம்மாள் பரிதாபமாக உயிரிழந்தார். இது குறித்து அவரது கணவர் வேலாயுதம் பள்ளிகொண்டா காவல் நிலையத்தில் புகார் செய்தார். அதன் பேரில் போலீசார் வழக்குப்பதிவு செய்து விசாரித்து வருகின்றனர்.