மதுபாட்டில்களை பதுக்கி விற்றவர் கைது

ராணிப்பேட்டை மாவட்டம், நெமிலி பேரூராட்சிக்கு உட்பட்ட கறியாக்குடல், பஸ் நிலையம், புன்னை உள்ளிட்ட பகுதிகளில் கஞ்சா, மதுபாட்டில்கள் விற்கப்படுகிறதா என்று நெமிலி போலீசார் ரோந்து பணியில் ஈடுபட்டனர். அப்போது புன்னை மின்நிலையம் அருகே நின்றுகொண்டிருந்த நபரை சந்தேகத்தின் பேரில் பிடித்து போலீசார் விசாரணை செய்தனர். அதில் அவர் மகேந்திரவாடியை சேர்ந்த பீமன் (65) என்பதும்,மதுபாட்டில்களை வாங்கி பதுக்கி வைத்து விற்றதும் தெரியவந்தது. அதைத் தொடர்ந்து அவரை போலீசார் கைது செய்து, அவரிடமிருந்து 96 மதுபாட்டில்களை பறிமுதல் செய்தனர்.