தலா ஒரு ஓட்டு பெற்ற அதிமுக, தமாகா வேட்பாளா்கள்!

தூத்துக்குடி மக்களவைத் தொகுதியில் பதிவான வாக்குகள் எண்ணும் பணி தூத்துக்குடி வஉசி பொறியியல் கல்லூரியில் நடைபெற்றது. 6 சட்டப்பேரவை தொகுதிகளில் பதிவான வாக்குகள், தனித்தனி அறைகளில் எண்ணப்பட்டன. இதில் தூத்துக்குடி பேரவைத் தொகுதிக்குள்பட்ட காரப்பேட்டை நாடாா் ஆண்கள் மேல்நிலைப் பள்ளி வாக்குச்சாவடியில் மொத்தம் 432 வாக்குகள் பதிவாகி இருந்தன. இதில் அதிமுக வேட்பாளா் சிவசாமி வேலுமணி, தமாகா வேட்பாளா் எஸ்.டி.ஆா். விஜயசீலன் ஆகியோருக்குத் தலா ஒரு வாக்கு மட்டுமே கிடைத்தது. மீதம் உள்ள வாக்குகளை திமுக, நாம் தமிழா் கட்சி வேட்பாளா்கள் பெற்றிருந்தனா். இதனையடுத்து அதிமுக, தமாகா வேட்பாளா்களின் முகவா்கள், மேற்குறிப்பிட்ட வாக்குச்சாவடியில் பதிவான வாக்குகளை திரும்ப எண்ண வேண்டும் என வலியுறுத்தினா். ஆனால் தோ்தல் அதிகாரிகள் அதை நிராகரித்தனா்.