அதிமுக தொண்டர்களின் ரத்தத்திற்கு ரத்தமான அறக்கட்டளை: ஜெயவர்தன் தகவல்

தென் சென்னை நாடாளுமன்ற தொகுதி அதிமுக வேட்பாளர் ஜெயவர்தனின் வேட்பாளர் அறிமுகம் மற்றும் ஆலோசனைக் கூட்டமானது கோடம்பாக்கம் ராம் மண்டபத்தில் நடைபெற்றது.

இந்த ஆலோசனைக் கூட்டத்திற்கு தியாகராய நகர் முன்னாள் சட்டமன்ற உறுப்பினர் சத்தியா மற்றும் 1000க்கும் மேற்பட்ட அதிமுக தொண்டர்கள் கலந்து கொண்டனர். அப்போது மேடையில் பேசிய ஜெயவர்தன், மக்கள் மீது சுத்தமாக அக்கறை இல்லாத நாடாளுமன்ற உறுப்பினர் தான் திமுகவின் தமிழச்சி தங்கபாண்டியன்.

தேர்தலின் போது ஒவ்வொரு வார்டிலும் மகளிருக்கான கவுன்சிலிங் சென்டர் அமைக்கப்படும் என்று திமுக நாடாளுமன்ற உறுப்பினர் தமிழச்சி தங்கபாண்டியன் தெரிவித்திருந்தார் ஆனால் இதுவரை ஒரு மகளிர் கவுன்சிலிங் சென்டர் கூட இதுவரை திறக்கவில்லை. ஒட்டுமொத்தமாக பெண்களுக்கு எதிராக செயல்படக்கூடிய நாடாளுமன்ற உறுப்பினர் தான் திமுகவின் நாடாளுமன்ற உறுப்பினர். திமுக பொதுக் கூட்டத்தில் பெண் காவலர்களுக்கு கூட பாதுகாப்பு இல்லை திமுகவின் பெண் நாடாளுமன்ற உறுப்பினர் என்று கூறி பல பெண்களை ஏமாற்றியுள்ளார்தமிழச்சி தங்கபாண்டியன்.

பெண்களை வெறும் வாக்கு வங்கிகளாக மட்டுமே திமுக பார்த்து வருகிறது. நான் தென்சென்னை நாடாளுமன்ற உறுப்பினராக பதவி ஏற்றால் தென்சென்னை நாடாளுமன்ற தொகுதியில் வசிக்ககூடிய மக்களுக்காக அறக்கட்டளை ஒன்று அமைக்கப்படும் அந்த அறக்கட்டளையின் மூலம் 150 ஆண்டுகள் தாண்டியும் இங்குள்ள மக்கள் பயனை பெறலாம். மேலும், அதிமுக தொண்டர்களின் ரத்தத்திற்கு ரத்தமான அறக்கட்டளை என்ற பெயரில் அறக்கட்டளை அமைக்கப்படும் என்றார்..