எதிர்கட்சியாக திமுக இருந்தபோது ஆளுநர் மறுக்க தைரியம் இருந்ததா?

பாரதிய ஜனதா கட்சியின் ஈரோடு பாராளுமன்ற தொகுதி மகளிர் பிரதிநிதிகள் மாநாடு ஈரோடு மாவட்டம் சென்னிமலையில் நடைபெற்றது. இதில் தேசிய மகளிர் அணி தலைவரும் , சட்டமன்ற உறுப்பினருமான வானதி சீனிவாசன் கலந்து கொண்டார்.

முன்னதாக செய்தியாளர்களை சந்தித்த வானதி சீனிவாசன் , திராவிட மாடல் ஆட்சியில் பட்டியிலின மக்கள் மீதான தாக்குதல் , பெண்கள் மீதான தாக்குதல் அதிகரித்து வருவதாகவும் , சிறுபான்மையின நிகழ்ச்சியில் கலந்து கொள்ளும் முதல்வர், அமைச்சர்கள் இந்துகள் பண்டிகைகள் குறித்து அவதூறு பரப்புகின்றனர் என்றார். திமுக எதிர்கட்சியாக இருக்கும் போது ஆளுநர் தேவையில்லை என சொல்ல தையரிம் இருந்த்தா என்று கேள்வி எழுப்பிய வானதி சீனிவாசன் , நேரத்திற்கு ஒரு பேச்சு என்பது திமுகவின் வாடிக்கை என்றார். கூட்டணி யாருடன் என்பது குறித்தும். எத்தனை தொகுதிகள் என்பது குறித்தும் தேசிய தலைமை முடிவெடுக்கும் என்றார்.