‘லிப்ட்’ கேட்டு டூ வீலரில் சென்ற பெண் வேகத்தடையில் தவறி விழுந்து பலி

ராணிப்பேட்டை மாவட்டம்,நெமிலியை அடுத்த கீழ்வெண்பாக்கம் கிராமத்தில் வசித்து வருபவர் முருகன். இவரின் மனைவி மீனா (45). இவர் மேல்வெண்பாக்கம் பகுதியில் உள்ள ஒரு செங்கல் சூளையில் வேலை பார்த்து வந்தார்.மீனா, கடந்த சில நாட்களுக்கு முன்பு ஒரு மோட்டார்சைக்கிளில் லிப்ட் கேட்டு ஏறி வேலைக்காக சென்று கொண்டிருந்தார். கீழ்வெண்பாக்கத்தில் சாலையின் குறுக்கே இருந்த வேகத்தடையில் ஏறி இறங்கும்போது, எதிர்பாராதவிதமாக டூ வீலரில் இருந்து தவறி கீழே விழுந்தார்.

அதில் தலையில் பலத்த காயம் அடைந்த அவரை அங்கிருந்தவர்கள் மீட்டு காஞ்சீபுரம் அரசு மருத்துவமனைக்கு அனுப்பி வைத்தனர். பின்னர் மேல்சிகிச்சைக்காக செங்கல்பட்டு அரசு மருத்துவமனையில் அனுமதித்தனர். அங்கு, சிகிச்சை பலனின்றி மீனா நேற்று காலை பரிதாபமாக உயிரிழந்தார்.இந்த விபத்து குறித்து நெமிலி போலீசார் வழக்குப்பதிவு செய்து விசாரணை நடத்தி வருகின்றனர்.