சோளிங்கரில் மகளிர் திட்ட குழு விழிப்புணர்வு பேரணி!

தமிழ்நாடு மாநில ஊரக வாழ்வாதார இயக்கம் சார்பில் ராணிப்பேட்டை மாவட்டம் சோளிங்கர் தாலுகா பகுதியில் இன்று மாலை மாவட்ட மகளிர் திட்ட இயக்குனர் ரவிச்சந்திரன் தலைமையில் தேர்தல் தொடர்பான விழிப்புணர்வு ஊர்வலம் நடைபெற்றது. ஊர்வலத்தில் பங்கேற்ற மகளிர் திட்ட குழுவைச் சேர்ந்த பெண்கள் அனைவரும் விழிப்புணர்வு வாசகங்கள் அடங்கிய பதாகைகளை கையில் ஏந்தியவாறு பேரணியாக சென்றனர். இந்த நிகழ்வில் மகளிர் திட்ட அதிகாரிகள் மற்றும் சங்கப் பிரதிநிதிகள் உள்ளிட்ட பலர் கலந்து கொண்டனர்.