இந்தோனேசியாவில் கனமழை வெள்ளம் - 58 பேர் பலி !!!

இந்தோனேசியாவில் கனமழை பெய்து வருகின்ற நிலையில் பல்வேறு இடங்களில் வெள்ளம் பெருக்கெடுத்து சுமத்ரா தீவில் வெள்ளத்தோடு நிலச்சரிவும் ஏற்பட்டுள்ளது.

மேலும் எரிமலை வெடித்திருப்பதால் சாம்பலும் வெள்ளத்தில் கலந்து பெரும்பாலான இடங்கள் சேரும் சகத்தியமாக காட்சியளிக்கிறது.

சுமத்ரா மாகாணத்தில் நான்கு மாவட்டங்களில் பெரும்பாலான கிராமங்கள் வெள்ளத்தில் மூழ்கியுள்ளது ஆயிரக்கணக்கான மக்கள் வீடுகளை இழந்து உள்ளனர்.

திடீரென்று ஏற்பட்ட வெள்ளத்தில் பலர் அடித்து செல்லப்பட்டனர். இந்த நிலையில் இந்தோனேசியாவில் கனமழை வெள்ளத்தில் 58 பேர் பலியாகி உள்ளனர்.

மேலும் அந்த வெள்ளத்தில் சிக்கிய பலரை காணவில்லை என அந்நாட்டின் பேரிடர் மேலாண்மை அமைப்பு தெரிவித்துள்ளது.

பாதிக்கப்பட்ட பகுதிகளில் மீட்பு பணிகள் தீவிரமாக நடந்து வருகிறது. மக்கள் மீட்கப்பட்டு பாதுகாப்பான இடங்களில் தங்க வைக்கப்பட்டுள்ளனர்.