மத்திய புலனாய்வு பிரிவில் வேலைவாய்ப்பு - 27 காலிப்பணியிடங்கள் !!

மத்திய பணியாளர்கள் அமைச்சகத்தின் கீழ் மத்திய புலனாய்வு பிரிவில் (CBI)இருக்கும் காலிப்பணியிடங்களை நிரப்புவதற்கான வேலைவாய்ப்பு அறிவிப்பை யுபிஎஸ்சி வெளியிட்டுள்ளது. இப்பணி நிரந்தர பணி ஆகும்.

பணியின் விவரங்கள் :

இதில் பொதுப் பிரிவில் 8 காலிப்பணியிடங்கள், பொருளாதாரத்தில் பின்தங்கியவர்கள் பிரிவில் 4 காலிப்பணியிடங்கள், ஒபிசி பிரிவில் 9 காலிப்பணியிடங்கள் மற்றும் எஸ்டி பிரிவில் 2 காலிப்பணியிடங்கள் நிரப்பப்படுகிறது.

வயது வரம்பு :

மத்திய புலனாய்வு பிரிவில் இருக்கும் உதவி புரோகிராமர் பதவிக்கு பொது மற்றும் பொருளாதாரத்தில் பின்தங்கியவர்கள் பிரிவினருக்கு அதிகபடியான வயது வரம்பு 30 ஆக நிர்ணயிக்கப்பட்டுள்ளது. ஒபிசி பிரிவினருக்கு 33 வயதாகவும், எஸ்சி/எஸ்டி பிரிவினருக்கு 35 வயதாகவும் வயது வரம்பு நிர்ணயிக்கப்பட்டுள்ளது.

கல்வித்தகுதி :

உதவி புரோகிராமர் பதவிக்கு கம்ப்யூட்டர் அப்ளிகேஷன் அல்லது கம்ப்யூட்டர் சயின்ஸ் அல்லது டெக்னாலஜி ஆகிய பாடப்பிரிவுகளில் முதுகலை பட்டம் பெற்றிருக்க வேண்டும் (அல்லது) இன்ஜினியரிங், கணினி பொறியியல் அல்லது கணினி அறிவியல் அல்லது கணினி தொழில்நுட்பம் ஆகிய ஏதேனும் ஒரு பாடப்பிரிவில் இளங்கலை பட்டம் பெற்றிருக்க வேண்டும்.

இவையில்லாமல், கணினி பயன்பாடு அல்லது கணினி அறிவியல் அல்லது மின்னணுவியல் அல்லது மின்னணுவியல் மற்றும் தொடர்பு பொறியியல் ஆகிய பாடங்களில் இளங்கலை பட்டம் மற்றும் 2 ஆண்டுகள் அனுபவம் தேவை.

இல்லை என்றால் கணினி சார்ந்த டிப்ளமோ அல்லது கணினி பயன்பாட்டில் முதுகலை டிப்ளமோ முடித்திருக்க வேண்டும். மேலும் 3 ஆண்டுகள் பணி அனுபவம் தேவை.

சம்பள விவரம் :

மத்திய புலனாய்வு பிரிவில் இருக்கும் உதவி புரோகிராமர் பதவிக்கு 7வது ஊதிய விதிமுறைகள்படி நிலை-7 அடிப்படையில் சம்பளம் வழங்கப்படும்.

தேர்வு செய்யப்படும் முறை :

இப்பணியிடங்களுக்கு தகுதியானவர்கள் ஆட்சேர்ப்பு தேர்வு மற்றும் நேர்காணல் அடிப்படையில் தேர்வு செய்யப்படுவார்கள்.

விண்ணப்பிக்கும் முறை :

இப்பணியிடங்களுக்கு விண்ணப்பிக்க விரும்புகிறவர்கள் https://upsc.gov.in/ என்ற இணையதளம் மூலம் ஆன்லைன் வழியாக விண்ணப்பிக்க வேண்டும். விண்ணப்பக் கட்டணமாக ரூ.25 செலுத்த வேண்டும். எஸ்சி/ எஸ்டி/ மாற்றுத்திறனாளிகள் மற்றும் பெண்களுக்கு விண்ணப்பக் கட்டணம் கிடையாது.

விண்ணப்பிக்க கடைசி நாள் : 28.11.2024

விண்ணப்பத்தை பதிவிறக்கம் செய்ய கடைசி நாள் : 29.11.2024

ஆட்சேர்ப்பு தேர்வு - பின்னர் அறிவிக்கப்படும்

நேர்காணல் - பின்னர் அறிவிக்கப்படும்