எஸ்பிஐ வங்கியில் வேலைவாய்ப்பு ;1040 காலிப்பணியிடங்கள் - விண்ணப்பிக்க இன்னும் 2 நாட்கள் கால அவகாசம் !!

எஸ்பிஐ வங்கியில் பல்வேறு பிரிவுகளின் கீழ் உள்ள சிறப்பு அதிகாரி (Specialist Cadre Officers) பணியிடங்களை நிரப்புவதற்கான அறிவிப்பு வெளியாகியது.

SBI Specialist Cadre Officers பணியின் விவரங்கள் :

எஸ்பிஐ வங்கியில் மத்திய ஆராய்ச்சி குழு, திட்ட மேம்பாட்டு மேலாளர், உறவு மேலாளர், விபி வெல்த்+, மண்டல தலைமை அலுவலர், முதலீடு வல்லுநர் மற்றும் முதலீடு அதிகாரி ஆகிய பதவிகளில் உள்ள சுமார் 1040 சிறப்பு அதிகாரி பணியிடங்களை ஒப்பந்த அடிப்படையில் நிரப்பப்படவுள்ளது. தேர்வு செய்யப்படுபவர்கள் மும்பை மற்றும் இதர இடங்களில் பணியமர்த்தப்படுவர்.

வயது வரம்பு :

இப்பணிக்கு 01.04.2024 ஆம் தேதியின் படி, 25 முதல் 35-க்குள் இருக்க வேண்டும். எஸ்சி/எஸ்டி பிரிவினருக்கு கூடுதலாக 5 வருடங்கள், ஓபிசி பிரிவினருக்கு கூடுதலாக 3 வருடங்கள் மற்றும் மாற்றுத்திறனாளிகளுக்கு 10 முதல்15 வருடங்கள் வயது வரம்பில் தளர்வு வழங்கப்படும். அதிக பணி அனுபவம் உள்ளவர்களுக்கு வயது வரம்பில் சலுகைகள் வழங்கப்படும்.

சம்பள விவரம் :

5 ஆண்டுகள் ஒப்பந்த பணியின் இப்பணியிடங்களுக்கு பதவி மற்றும் அனுபவத்திற்கு ஏற்ற சம்பளம் வழங்கப்படும். ஆண்டுக்கு குறைந்தபட்சம் ரூ.20.50 லட்சம் முதல் ரூ.66.50 லட்சம் வரை வழங்கப்படும்.

கல்வித்தகுதி :

நிதி, சந்தையியல், வங்கி மேலாண்மை, பொருளாதாரம், வணிகவியல், புள்ளியியல், கணிதம் போன்ற பாடப்பிரிவுகளில் முதுகலை பட்டம் பெற்றிருக்க வேண்டும். இவை அல்லாதவர்கள் சிஏ, ஐடிடவுள்ஏ பட்டம் பெற்றிருக்க வேண்டும் அல்லது ஏதேனும் ஒரு பிரிவில் இளங்கலை பட்டம் அல்லது பொறியியல் பட்டத்துடன் வங்கி, நிதி சார்ந்த பாடப்பிரிவுகளில் முதுகலை டிப்ளமோ பெற்றிருக்க வேண்டும். மேலும், வங்கி சார்ந்த பணியின் அனுபவம் தேவை.

தேர்வு செய்யப்படும் முறை :

விண்ணப்பதார்களில் இருந்து தகுதியானவர்கள் கல்வித்தகுதி மற்றும் அனுபவம் அடிப்படையில் தேர்வு செய்யப்படுவர். தேர்வு செய்யப்பட்டவர்களுக்கு நேர்காணலுக்கான் அழைப்பு விடுக்கப்படும். நேர்காண்லில் தேர்வு செய்யப்படுவர்களுக்கு சம்பள விவரம் கலந்துரைக்கப்பட்டு இறுதி பட்டியல் வெளியிடப்படும்.

விண்ணப்பிக்கும் முறை :

இப்பணியிடங்களுக்கு ஆர்வமுள்ளவர்கள் https://sbi.co.in/web/careers/current-opening என்ற எஸ்பிஐ வங்கியின் இணையத்தளத்தில் கொடுக்கப்பட்டுள்ள ஆன்லைன் விண்ணப்பம் மூலம் விண்ணப்பிக்கவும். மேலும், இப்பணியிடங்களுக்கான அறிவிப்பையும் இணையத்தளம் வழியாக அறிந்துகொள்ளலாம். விண்ணப்பக் கட்டணமாக ரூ.750 செலுத்த வேண்டும். எஸ்சி/எஸ்டி, மாற்றுத்திறனாளிகள், ஒபிசி பிரிவினருக்கு விண்ணப்பக் கட்டணம் கிடையாது.

விண்ணப்பிக்க கடைசி நாள்: 08.08.2024

பொதுத்துறை வங்கியான எஸ்பிஐ வங்கியில் உள்ள 1040 சிறப்பு அதிகாரி பணியிடங்களுக்கு விண்ணப்பிக்க விரும்புகிறவர்கள் கடைசி தேதிக்குள் உடனே ஆன்லைன் வழியாக விண்ணப்பிக்கவும்.