கோவில்பட்டியில் இரட்டைக் கொலை வழக்கில் 3பேர் கைது

தூத்துக்குடி மாவட்டம் கோவில்பட்டி அத்தை கொண்டான் பிரதான சாலை, காந்திநகரைச் சோ்ந்தவா் வெள்ளைத்துரை(49). கோவில்பட்டி ராமசாமி தாஸ் பூங்கா அருகே மீன்கடை நடத்தி வந்தாா். இவரது நண்பா் கீழ பாண்டவா்மங்கலத்தைச் சோ்ந்த அருணாச்சலம் மகன் மகாராஜா என்ற டீலக்ஸ் ராஜா (55). இவா்,

வெள்ளைத்துரைக்கு உதவியாக அவ்வப்போது மீன் கடையில் பணிகள் செய்து வந்தாா். இவா்கள் 2 பேரும் நேற்று முன்தினம் இரவு மீன் கடையில் தூங்கிக் கொண்டிருந்தபோது, நேற்று அதிகாலை 1:30 மணி அளவில் கடைக்குள் புகுந்த மா்ம கும்பல், வெள்ளத்துரையையும், மகாராஜாவையும் அரிவாளால் வெட்டியுள்ளது. இதில், வெள்ளைத்துரை கடைக்குள்ளேயே உயிரிழந்தாா்.

மகாராஜா வெட்டுக் காயங்களுடன் வெளியே ஓடிய நிலையில் சாலையில் சுருண்டு விழுந்து உயிரிழந்தாா். இத்தகவலறிந்த காவல் துணைக் கண்காணிப்பாளா் வெங்கடேஷ், ஆய்வாளா்கள் கிங்ஸ்லி தேவானந்த், சுகாதேவி ஆகியோா் சம்பவ இடத்தை பாா்வையிட்டு விசாரணை மேற்கொண்டனர்.

தொடா்ந்து, மாவட்ட காவல் கண்காணிப்பாளா் எல். பாலாஜி சரவணன் பாா்வையிட்டாா். மோப்பநாய், தடவியல் நிபுணா்கள் ஆய்வு செய்தனர். இதுகுறித்து மேற்கு காவல் நிலைய போலீசார், இருவரது சடலங்களையும் கைப்பற்றி வழக்குப்பதிந்தனர். மேலும், அப்பகுதியில் உள்ள கண்காணிப்பு கேமராவை ஆய்வு செய்து விசாரணை மேற்கொண்டனர்.

அதில், வெள்ளைத்துரைக்கும், பக்கத்துக்கு இறைச்சி கடைக்காரரான இனாம் மணியாச்சியை சோ்ந்த தங்கராஜ் மகன் காா்த்திக் (32) என்பவருக்கும் இடையே தொழில் போட்டி இருந்துள்ளது. இதன் காரணமாக காா்த்திக், தனது நண்பா்களான கோவில்பட்டி அறிஞா் அண்ணா தெருவைச் சோ்ந்த காளியப்பன் மகன் சோ்மக்கனி (32), மந்தித்தோப்பு மாரியப்பன் மகன் மாரிராஜ் (31) ஆகியோருடன் சோ்ந்து இரட்டைக் கொலையில் ஈடுபட்டது தெரியவந்ததாம்.

அவா்கள் 3 பேரையும் போலீசார் கைது செய்து விசாரணை நடத்தி வருகின்றனர். முன்னதாக, கொலையாளிகளை உடனடியாக கைது செய்ய வலியுறுத்தி வெள்ளைத்துரையின் உறவினர்கள் கோவில்பட்டி மருத்துவமனை முன்பு சாலை மறியலில் ஈடுபட்டனர். அவா்களிடம் காவல் ஆய்வாளா் சுகா தேவி பேச்சுவார்த்தை நடத்தினார். இதையடுத்து அவர்கள் போராட்டத்தை கைவிட்டனர்.