அருமனை அருகே ஆட்டோவில் உயிரிழந்து கிடந்த முன்னாள் ராணுவ வீரர்

குமரி மாவட்டம் அருமனை அருகே கடையாலுமூடு பகுதியை சேர்ந்தவர் பிபின்.ஓய்வு பெற்ற ராணுவ வீரர்.இவருக்கு திருமணமாகி மனைவி மற்றும் ஒரு மகன் உள்ளனர்.

கணவன் மனைவிக்கு இடையே கருத்துவேறுபாடு ஏற்பட்டு மனைவியை பிரிந்து வாழ்ந்து வரும் இவர் வேலைக்கு ஏதும் செல்லாமல் மது பழக்கத்திற்கு அடிமையாகி சாலையோரங்களில் விழுந்து கிடப்பதை வாடிக்கையாக கொண்டு வந்துள்ளதாகவும் கூறப்படுகிறது.

இந்த நிலையில் இன்று காலை முதப்பன்கோடு பகுதியில் சாலையோரம் நிறுத்தி வைக்கப்பட்டிருந்த ஆட்டோவில் இறந்த நிலையில் பிபின் கிடப்பதை கண்ட அந்த பகுதியை சேர்ந்த மக்கள் அருமனை போலீசாருக்கு தகவல் தெரிவித்து உள்ளனர்.தகவலறிந்து வந்த போலீசார் பிபினின் உடலை கைப்பற்றி பிரேத பரிசோதனைக்காக குழித்துறை அரசு மருத்துவமனைக்கு அனுப்பி வைத்தனர் தொடர்ந்து,

அவர் இயற்க்கையாக இறந்தாரா அல்லது வேறேதேனும் காரணமாக என்ற கோணத்தில் போலீசார் விசாரணை நடத்தி வருகின்றனர் இந்த சம்பவம் அந்த பகுதியில் பெரும் பரபரப்பை ஏற்படுத்தியுள்ளது.