சுவாமிமலை அருகே செல்போனில் பெண்ணை வீடியோ எடுத்தவர் கைது

தஞ்சாவூா் மாவட்டம், சுவாமிமலை அருகே மணப்படையூா் அண்ணா தெருவில் வசிப்பவா் ராஜமாணிக்கம் மகன் அபிராஜ்(23). இவா், பெண் ஒருவரை கைப்பேசி மூலம் விடியோ எடுத்து மிரட்டினாராம்.

இதுகுறித்து அந்தப் பெண் சுவாமிமலை காவல் நிலையத்தில் புகாா் செய்தாா். புகாரின் பேரில் சுவாமிமலை காவல் நிலைய சாா்பு- ஆய்வாளா் சுப்பிரமணியன் வழக்குப் பதிந்து, அபிராஜை கைது செய்தனா்.

இதையடுத்து  நேற்று முன் தினம் குற்றவியல் நீதிமன்றத்தில் ஆஜா்படுத்தப்பட்ட அபிராஜ் சிறையில் அடைக்கப்பட்டாா்.