கபிஸ்தளத்தில் பெண்ணின் தாலி செயினை பறித்த இருவர் கைது

பாபநாசம் அருகே கபிஸ்தலம் காவல் சரகம் பூஞ்சேரி கிராமத்தில் பிரீத்தா என்பவர் தனது கொல்லைப்புறம் உள்ள பைப்பில் துணி துவைத்து கொண்டு இருந்த போது 2 அடையாளம் தெரியாத நபர்கள் முகத்தை துணியால் மூடிகொண்டு கத்தியை காட்டி மிரட்டி தாலி செயினை கழட்டி கொண்டு தப்பி ஓடி விட்டனர கபிஸ்தலம் காவல்நிலையத்தில் வழக்கு பதிவு செய்து விசாரணை செய்ததில் சம்பவ இடத்தில் 2 ஜோடி செருப்புகள் கண்டுபிடிக்கப்பட்டது.

மேற்படி செருப்பு தொடர்பாகவும் மற்றும் சம்பவ இடத்தில் விசாரணை செய்ததில் இலுப்பகோரை வெள்ளாளர் தெருவை சே்ர்ந்த பாஸ்கர் மகன் ஆகாஷ், 22 மற்றும் அவர் நண்பர் பசுபதிகோயில் அப்பு என்கிற செந்தமிழன் ஆகியோர் இந்த துணிகர சம்பவத்தில் ஈடுபட்டது தெரிய வந்தது.

மேற்படி நபர்களை கைது செய்து அவர்களிடம் இருந்து 4 1/4 பவுன் தாலி செயின் மற்றும் சம்பவத்திற்கு பயன்படுத்திய இருசக்கர வாகனம், கத்தி ஆகியவை கைப்பற்றபட்டது.