மணமேட்டுப்பட்டி பிரிவில் டூவீலர் மீது வேகமாக வந்த கார் மோதி இளைஞர் உயிரிழப்பு.

மணமேட்டுப்பட்டி பிரிவில் டூவீலர் மீது வேகமாக வந்த கார் மோதி இளைஞர் உயிரிழப்பு. கரூர் மாவட்டம், அரவக்குறிச்சி தாலுகா, ஈசநத்தம் பள்ளிவாசல் தெருவை சேர்ந்தவர் முஜிபுர் ரஹ்மான் மகன் அப்சர் அலி வயது 26. இவர் ஆகஸ்ட் 25ஆம் தேதி இரவு 8 மணி அளவில், அரவக்குறிச்சியில் இருந்து ஈசநத்தம் செல்லும் சாலையில் அவரது டூவீலரில் சென்று கொண்டிருந்தார். இவரது டூவீலர் மணமேட்டுப்பட்டி பிரிவு அருகே வந்த போது எதிர் திசையில் வேகமாக வந்தTN 47 BX 7736 என்ற எண் கொண்ட மாருதி ஆம்னி வேன் மோதிய விபத்தில் அப்சர் அலிக்கு முகத்தில் பலத்த காயம் ஏற்பட்டது. உடனடியாக அவரை மீட்டு அரவக்குறிச்சி அரசு மருத்துவமனைக்கு சிகிச்சைக்காக கொண்டு சென்றனர். அங்கு அவரை பரிசோதித்த மருத்துவர்கள், அவர் ஏற்கனவே உயிரிழந்து விட்டதாக தெரிவித்தனர். இந்த சம்பவம் அறிந்த அப்சர் அலியின் தாயார் ஜின்னா பேகம் வயது 48 என்பவர் அளித்த புகார் பேரில், சம்பவ இடத்துக்கு சென்று விசாரணை மேற்கொண்ட காவல்துறையினர், உயிரிழந்த அப்சர் அலியின் உடலை உடற்கூறு ஆய்வுக்காக அரவக்குறிச்சி அரசு மருத்துவமனை சவக்கிடங்குக்கு அனுப்பி வைத்து, காரை வேகமாக ஓட்டி விபத்து ஏற்படுத்திய டிரைவர் மீது வழக்கு பதிவு செய்துள்ளனர் அரவக்குறிச்சி காவல்துறையினர்.