பள்ளப்பட்டியில் ஏற்பட்ட நில அதிர்வால் பொதுமக்கள் அதிர்ச்சி. வலைதளத்தில் வைரலாகும் சிசிடிவி காட்சிகள்.

பள்ளப்பட்டியில் ஏற்பட்ட நில அதிர்வால் பொதுமக்கள் அதிர்ச்சி. வலைதளத்தில் வைரலாகும் சிசிடிவி காட்சிகள். கரூர் மாவட்டம் அரவக்குறிச்சி தாலுகாவில் உள்ளது பள்ளப்பட்டி நகராட்சி. பொதுவாக அரவக்குறிச்சி தாலுக்கா வறட்சியான பகுதியாக உள்ளது. மேலும் பல்வேறு கல்குவாரிகளும் செயல்பட்டு வருகிறது. கல்குவாரியில் அவ்வப்போது பாறைகளை தகர்க்க வெடி வைப்பது உண்டு. ஆனால் பள்ளப்பட்டி நகராட்சி பகுதியில் அதுபோன்ற குவாரிகள் எதுவும் இல்லாத சூழலில் நேற்று ஆகஸ்ட் 26ம் தேதி மதியம் 3:20 மணி அளவில், பள்ளப்பட்டி பகுதியில் திடீரென பயங்கர வெடி சத்தத்துடன் நில அதிர்வு ஏற்பட்டது. கண்ணிமைக்கும் நேரத்தில் ஏற்பட்ட இந்த நிகழ்வை யாராலும் உடனடியாக அனுமானிக்க முடியவில்லை. ஆனாலும் இந்த நிகழ்வை அப்பகுதி பொதுமக்கள் அச்சத்துடனே எதிர்கொண்டனர். இந்த நிலையில் வெடிச்சத்தம் ஏற்பட்டு நில அதிர்வு ஏற்பட்ட பகுதிகளில் பொருத்தப்பட்டிருந்த சிசிடிவி காட்சிகளில் நில அதிர்வு ஆனது பதிவாகியுள்ளது. இந்த காட்சிகள் தற்போது வலைத்தளத்தில் கரூரில் வைரலாகி வருகிறது.