சேலம் ஏ.வி.ஆர். ரவுண்டானா அருகே நேற்று சூரமங்கலம் போலீஸ் இன்ஸ்பெக்டர் கிருஷ்ணமூர்த்தி, சப்-இன்ஸ்பெக்டர் சூர்யா மற்றும் போலீசார் வாகன சோதனையில் ஈடுபட்டு கொண்டிருந்தனர். அப்போது அந்த வழியாக சந்தேகத்துக்கு இடமளிக்கும் வகையில் நடந்து வந்த 3 பேரை பிடித்து போலீசார் விசாரித்தனர். இதில் அவர்கள் நாமக்கல் மாவட்டத்தை சேர்ந்த நவித் (வயது 30), ஈரோட்டை சேர்ந்த ஜீவானந்தம் (21) மற்றும் மேற்கு வங்காளத்தை சேர்ந்த மோபுல்மவுலா (30) ஆகியோர் என்பது தெரியவந்தது. இதையடுத்து அவர்கள் வைத்திருந்த பைகளை போலீசார் சோதனை நடத்தினர். இதில் 5 கிலோ கஞ்சா இருந்தது கண்டுபிடிக்கப்பட்டது. இதையடுத்து கஞ்சா கடத்திய அவர்கள் 3 பேரையும் போலீசார் கைது செய்து விசாரித்து வருகின்றனர். மேலும் அவர்களிடம் இருந்து கஞ்சா பறிமுதல் செய்யப்பட்டது.