விருதுநகர் கலைஞர் திடலில் பிப்.7ம் தேதி தென்மண்டல திமுக இளைஞர் அணி நிர்வாகிகள் சந்திப்பு: முதல்வர் மு.க.ஸ்டாலின் சிறப்புரையாற்றுகிறார்

வருகிற 7ம் தேதி (சனிக்கிழமை) மாலை 4 மணி அளவில், விருதுநகர், ‘கலைஞர் திடலில்’ ‘‘தென் மண்டல திமுக இளைஞர் அணி நிர்வாகிகள் சந்திப்பு’’ நடைபெற உள்ளது. திமுக இளைஞர் அணிச் செயலாளரும், துணை முதல்வருமான உதயநிதி ஸ்டாலின் தலைமையில் சந்திப்பு நடக்கிறது.

இதில், முதல்வர் மு.க.ஸ்டாலின் சிறப்புரையாற்றுகிறார். திமுக பொதுச்செயலாளர் துரைமுருகன், பொருளாளர் டி.ஆர்.பாலு, முதன்மைச் செயலாளர் கே.என்.நேரு, துணைப் பொதுச்செயலாளர்கள் ஐ.பெரியசாமி, க.பொன்முடி, கனிமொழி, திருச்சி சிவா, ஆ.ராசா, அந்தியூர் ப.செல்வராஜ், மு.பெ.சாமிநாதன், விருதுநகர் தெற்கு மாவட்ட செயலாளர் கே.கே.எஸ்.எஸ்.ஆர்.ராமச்சந்திரன், அமைப்புச் செயலாளர் ஆர்.எஸ்.பாரதி மற்றும் மாநில இளைஞர் அணி துணைச் செயலாளர்கள் எஸ்.ஜோயல், இன்பா ஏ.என்.ரகு, நா.இளையராஜா தலைவர்-தாட்கோ, ப.அப்துல்மாலிக், கே.இ.பிரகாஷ், க.பிரபு, பி.எஸ்.சீனிவாசன், சி.ஆனந்தகுமார் முன்னிலை வகிக்கின்றனர்.