விசிக சார்பில் முகாம் மறுசீராய்வு ஆலோசனை கூட்டம்

சேலம் மாவட்டம், காடையாம்பட்டி தாலுக்கா பொட்டியபுரம் ஊராட்சிக்கு உட்பட்ட கட்டிக்காரனூரில் சேலம் வடக்கு மாவட்ட செயலாளர் தெய்வானை தலைமையில் முகாம் மறுசீராய்வு ஆலோசனை கூட்டம் நடைபெற்றது. இதில் வடக்கு மாவட்ட செயலாளர் தெய்வானை பேசும் போது, வடக்கு மாவட்ட அனைத்து பகுதிகளிலும் தீவிரமாக உறுப்பினர் சேர்க்கை நடைபெற்று வருகிறது எனவும், ஆகையால் பொட்டியபுரம் பகுதிகளில் தீவிரமாக உறுப்பினர் சேர்க்கையில் நிர்வாகிகள் ஈடுபட வேண்டும் எனவும் பேசினார். இந்த நிகழ்ச்சியில் மண்டல துணை செயலாளர் ஆறுமுகம், மாநில துணை செயலாளர் கரிகாலன், மாவட்ட செய்தி தொடர்பாளர் அர்ஜுனன், ஒன்றிய செயலாளர் பாக்கியராஜ் உள்ளிட்ட விடுதலை சிறுத்தைகள் கட்சி நிர்வாகிகள் தொண்டர்கள் என பலர் கலந்து கொண்டனர்.