தென்சென்னை மக்களுக்கு நன்றி சொன்ன தமிழச்சி தங்கபாண்டியன்

நடந்து முடிந்த மக்களவை தேர்தலில் தென் சென்னை நாடாளுமன்ற தொகுதியில் போட்டியிட்டு வெற்றி பெற்ற தமிழச்சி தங்கபாண்டியன் தொகுதி மக்களுக்கு நன்றி தெரிவிக்கும் விதமாக விருகம்பாக்கம் சட்டமன்ற தொகுதிக்குட்பட்ட வாக்காளர்களை சந்தித்து நன்றி தெரிவித்தார்.

விருகம்பாக்கம் சட்டமன்ற தொகுதிக்குட்பட்ட கே.கே.நகர் மற்றும் நெசபாக்கம் உள்ளிட்ட இடங்களில் வாக்காளர்களை சந்தித்து தென் சென்னை நாடாளுமன்ற உறுப்பினர் தமிழச்சி தங்கபாண்டியன் நன்றி தெரிவித்தார். இந்த நன்றி தெரிவிக்கும் நிகழ்வில் மருத்துவம் மற்றும் மக்கள் நல்வாழ்வுத்துறை அமைச்சர் மா.சுப்பிரமணியன் மற்றும் விருகம்பாக்கம் சட்டமன்ற உறுப்பினர் பிரபாகரராஜா உள்ளிட்ட கட்சி நிர்வாகிகள் பலர் பங்கேற்றனர்.

முன்னதாக கே.கே.நகரில் திமுக கட்சி கொடியை தென் சென்னை நாடாளுமன்ற உறுப்பி்னர் தமிழச்சி தங்கப்பாண்டியன் ஏற்றி வைத்தார். அப்போது, மேள தாளங்களுடன் பட்டாசுகள் வெடித்து வீதிகள் தோறும் சென்று நன்றி தெரிவித்தார்.