பாஜவுக்கு ஆதரவாக தொடர்ந்து செயல்பட்ட தேர்தல் ஆணையம்: ஜி.ராமகிருஷ்ணன் குற்றச்சாட்டு

வடமாநிலங்களிலும் ஒடிசா தேர்தல் பிரசாரத்தின் போதும் தோல்வி பயம். அதனால் ஏற்பட்ட பதற்றம், அதன் காரணமாக காந்தியைப் பற்றி குறைத்து மதிப்பிட்டு பேசியது. இதற்கெல்லாம் பரிகாரம் தேடுவதற்காகவே பிரதமர் மோடி தமிழகத்துக்கு வந்து தியானம் மேற்கொண்டார். தேர்தல் ஆணையம் பாஜவுக்கு ஆதரவாக தொடர்ச்சியாக செயல்பட்டு வந்தது.இருந்த போதிலும் இந்த தேர்தலை பொருத்தவரை இந்தியா கூட்டணி நிச்சயம் வெற்றி பெறும். வாக்கு எண்ணிக்கையின் போது எந்த ஒரு தவறும் நடக்கக் கூடாது என்பதில் இந்தியா கூட்டணி முழு கவனமாக உள்ளது. அதற்காக வாக்கு எண்ணிக்கை முடியும் வரை அதற்கான முகவர்கள் அங்கிருந்து கலைந்து சென்று விடக்கூடாது என அந்தந்த மாநிலத்தில் இந்தியா கூட்டணிக்கு தலைமை வைக்கின்ற கட்சிகள் மூலம் அனைத்து கட்சி முகவர்களுக்கும் தகவல் தெரிவிக்கப்பட்டுள்ளது.