பிரதமர் மோடியின் பிறந்தநாள் விழா மயிலாடுதுறையில் கோலாகலம்

மயிலாடுதுறையில் பாரத பிரதமர் நரேந்திர மோடியின் 74-வது பிறந்தநாள் விழா மாவட்ட பாரதிய ஜனதா கட்சியின் சார்பில் உற்சாகமாக கொண்டாடப்பட்டது. மயிலாடுதுறை கிட்டப்பா அங்காடி பகுதியில் நடைபெற்ற நிகழ்ச்சிக்கு, மாவட்ட பாஜக முன்னாள் தலைவர் க.அகோரம் சிறப்பு அழைப்பாளராக பங்கேற்று, பொதுமக்களுக்கு இனிப்பு மற்றும் அன்னதானம் வழங்கி பேசினார். தொடர்ந்து, சர்க்கரை நோய் கண்டறியும் இலவச ரத்த பரிசோதனை முகாமை தொடக்கி வைத்தார். நிகழ்ச்சியில் பாஜக உறுப்பினர் சேர்க்கை நடைபெற்றது. இதில், கட்சியின் மாவட்ட, ஒன்றிய, நகர நிர்வாகிகள் ஏராளமானோர் கலந்து கொண்டனர்.