பள்ளியின் 19 ஆம் ஆண்டு விழா
தக்க்ஷின் நர்சரி அண்ட் பிரைமரி பள்ளியின் 19 ஆம் ஆண்டு விழா நேற்று கரூர் மாநகராட்சிக்கு உட்பட்ட அழகம்மை மஹாலில் நடைபெற்றது.
கரூர் மாநகராட்சிக்கு உட்பட்ட தெற்கு தெருவில் செயல்பட்டு வருகிறது தக்க்ஷின் நர்சரி அண்ட் பிரைமரி ஸ்கூல். இந்தப் பள்ளியின் 19 ஆம் ஆண்டு விழா நேற்று இரவு கரூர் மாநகராட்சிக்கு உட்பட்ட அழகம்மை மஹாலில் வெகு சிறப்பாக நடைபெற்றது. இந்த நிகழ்ச்சியில் இப்பள்ளியில் பயிலும் மாணவ- மாணவிகள் வண்ண வண்ண உடைகள் அணிந்து, மேடையில் இசைக்கப்பட்ட பாடலுக்கு ஏற்றவாறு அசைவுகள் அமைத்து ஆடி பாடி மகிழ்ந்தனர்.
இந்த நிகழ்ச்சியில் குழந்தைகளுடன் பங்கேற்ற பெற்றோர்கள், தங்கள் குழந்தைகள் நடனம் ஆடுவது கண்டு உற்சாகம் அடைந்ததோடு, கைதட்டி தங்கள் ஆரவாரத்தையும் தெரிவித்தனர். பள்ளியின் சார்பில் நடைபெற்ற இந்த நிகழ்வில், சிறப்பாக பயின்ற பள்ளி மாணவ - மாணவிகளுக்கு பள்ளியின் சார்பில் பரிசுகளும் வழங்கி வாழ்த்து தெரிவித்தனர்.
