லாரி மீது தூங்கியவர், நள்ளிரவில் தவறி கீழே விழுந்து விபத்து !

லாரி மீது தூங்கியவர், நள்ளிரவில் தவறி கீழே விழுந்து விபத்து.காவல்துறை வழக்கு பதிவு. கரூர் மாவட்டம், குளித்தலை, பெரிய புதூர் அருகே உள்ள சின்னபுதூர் பகுதியைச் சேர்ந்தவர் பாண்டியன் வயது 35. இவரது மனைவி புவனேஸ்வரி வயது 28. பாண்டியன் டி.எண். 47. எஸ் 5449 என்ற எண் கொண்ட அசோக் லேலண்ட் லாரியை ஓட்டி வந்தார். இதனிடையே மார்ச் 27ஆம் தேதி நள்ளிரவு 12.30 மணி அளவில், கரூர் - புலியூர் சாலையில் உள்ள, வடக்கு பாளையம் நவலடி காம்ப்ளக்ஸ் அருகே வந்தபோது லாரி பஞ்சரானது. நள்ளிரவில் பஞ்சர் ஒட்டுவதற்கு வாய்ப்பு இல்லை என்பதால், சாலையோரம் லாரியை நிறுத்திவிட்டு, லாரி மீது தூங்கச் சென்றார் பாண்டியன். கண்ணயர்ந்து தூங்கிய பாண்டியன் லாரியில் இருந்து தவறி கீழே விழுந்ததில் அவருக்கு படுகாயம் ஏற்பட்டது. உடனடியாக அக்கம் பக்கத்தினர் அவரை மீட்டு,தனியார் ஆம்புலன்ஸ் மூலம் திருச்சி அரசு மருத்துவமனையில் சிகிச்சைக்காக அனுமதித்தனர். இந்த சம்பவம் அறிந்த பாண்டியனின் மனைவி புவனேஸ்வரி, இது தொடர்பாக அளித்த புகாரின் பேரில், சம்பவ இடத்திற்கு சென்று விசாரணை மேற்கொண்ட காவல்துறையினர், லாரி மீது உறங்கி, தவறுதலாக கீழே விழுந்து விபத்து ஏற்பட காரணமான பாண்டியன் மீது வழக்கு பதிவு செய்துள்ளனர் பசுபதிபாளையம் காவல்துறையினர்.