போக்குவரத்து கழக கோட்ட மேலாளரை கண்டித்து சிஐடியுவினர் கூட்டம்

கரூர் அடுத்த திருமீநிலையூர் பகுதியில் செயல்படும் தமிழக அரசின் கும்பகோணம் பேருந்து கோட்டம் அலுவலகம் முன்பு, சி ஐ டி யு சார்பில், கோட்ட மேலாளர் மகேந்திர குமாரின், தொழிலாளர்களுக்கு எதிரான அடாவடி செயல்களை கண்டித்து, வாயில் கூட்டம் கரூர் கிளை செயலாளர் பாலசுப்பிரமணியன் தலைமையில் நடைபெற்றது. இந்த வாயில் கூட்டத்தில், திருச்சி - கரூர் மண்டல தலைவர் சீனிவாசன், செயலாளர் மாணிக்கம், சிஐடியு மாவட்ட தலைவர் ஜீவானந்தம், மாவட்ட செயலாளர் முருகேசன், மற்றும் சிவானந்தம், TNSTC ஈரோடு மண்டல துணைத் தலைவர் சரவணன்,சி ஐ டி யு மாவட்ட தலைவர் தண்டபாணி, மாவட்ட உதவி செயலாளர் ராஜா முகமது உள்ளிட்ட நிர்வாகிகள் கலந்து கொண்டு சிறப்பித்தனர். இந்த நிகழ்ச்சியில் தொழிலாளர்களுக்கு எதிராக மேலாளர் கையாளும் பல்வேறு விஷயங்கள் குறித்து தங்கள் கருத்துக்களை பதிவு செய்தனர்.