பறிமுதல் செய்யப்பட்ட வாகனங்கள் நாளை ஏலம்

மயிலாடுதுறை மாவட்டத்தில், மதுவிலக்கு குற்ற வழக்குகளில் கைப்பற்றப்பட்ட 83 இருசக்கர வாகனங்களும், 11 நான்கு சக்கர வாகனங்களும், வரும் 11ம்தேதி மயிலாடுதுறை துணைக் காவல் கண்காணிப்பாளர் அலுவலகத்தில் ஏலம் விடப்பட உள்ளது. அந்த வாகனங்களை, காலை 8 மணி முதல், மாலை 5 மணிவரை நேரில் பார்வையிடலாம். 11ம்தேதி, ஏலம் எடுக்க விரும்புவர்கள், ஆதார் அடையான அட்டையுடன் நேரில் வரவும். காலை 8 மணியிலிருந்து 9 மணிக்குள் டிஎஸ்பி அலுவலகத்தில் உள்ள ஏலம் விடும் குழுவிடம் பதிவு செய்துகொள்ளவேண்டும். அதிக தொகைக்கு ஏலம் கேட்கும் நபர்கள் அன்றைய தினமே தொகையை உடன் செலுத்தி வாகனங்களை பெற்றுக் கொள்ளலாம் என எஸ்பி.மீனா தெரிவித்துள்ளார்.