பனிலிங்கம் அமைத்து மோடி பிரதமராக வர பாஜ பிரார்த்தனை

மயிலாடுதுறை மாவட்டம் மயிலாடுதுறையை அடுத்த அறுபத்துமூவர் பேட்டை கிராமத்தில் அமர்நாத் பனி லிங்கம் போன்று 6 அடி உயரத்தில் பனிக்கட்டியால் சிவலிங்கம் செய்து சிறப்பு வழிபாடு நடைபெற்றது.

அறுபத்து மூவர் பேட்டையில் அமைந்துள்ள சப்த மாதா ஆலய வளாகத்தில் 12வது ஆண்டாக பனிலிங்கம் அமைக்கப்பட்டது. தொடர்ந்து மலர்மாலைகள் மற்றும் தாமரை மணி மாலை ஆகியவை லிங்கத்துக்கு சாற்றப்பட்டு மகா தீபாராதனை நடைபெற்றது. பாரதிய ஜனதா கட்சியின் சார்பில் ஆண்டுதோறும் நடைபெறும் இந்த சிவராத்திரி விழாவில் இந்த ஆண்டு பிரதமர் மோடி மீண்டும் தேர்தலில் வெற்றி பெற்று பிரதமராக வரவேண்டும் என்று பனி லிங்கம் அமைக்கப்பட்டதாக பாஜகவினர் தெரிவித்தனர். ஏராளமான பொதுமக்கள் அகல் விளக்குகளில் தீபம் ஏற்றி பனி லிங்கத்திற்கு தீபாராதனை செய்து அர்ச்சனை செய்து வழிபாடு நடத்தினர்.