நான் இந்த தொகுதியின் மாப்பிள்ளை சீட்டு கொடுங்கள்

.மயிலாடுதுறை லோக்சபா தொகுதி திமுக கூட்டணியில் காங்கிரஸ் கட்சிக்கு ஒதுக்கீடு செய்யப்போவதாக பரவலாக பேச்சப்பட்டு வருகிறது. ராகுல்காந்தியின் நண்பர் பிரவின்சக்கரவர்த்திக்கு அதிக வாய்ப்பு இருப்பதாக கூறப்பட்டு வருகிறது. காங். கட்சியில் உள்ள பலர் தனக்கு சீட் வேண்டும். தொகுதியில் வசிக்கக்கூடிய மண்ணின் மைந்தர்களுக்கே சீட் வழங்க வேண்டுமென்று பேட்டிகொடுத்து வந்த நிலையில் தற்போது போஸ்டர் அடித்து தொகுதி முழுவதும் ஒட்டிவருவது பரபரப்பை ஏற்படுத்தியுள்ளது.

பட்டுகோட்டையை சேர்ந்த ராஜேந்திரன் காங். கட்சி பொதுக்குழு உறுப்பினராக இருந்து வருகிறார். இவர் தனக்கு வாய்ப்பு அளிக்க வேண்டுமென்று கட்சி தலைமைக்கு வலியுறுத்திவந்த நிலையில் இவரது பெயர், படத்துடன் மண்ணின் மைந்தருக்கே வாய்ப்பு அளிக்க வேண்டுமென்று கூறி மயிலாடுதுறை தொகுதியில் போஸ்டர்கள் ஒட்டப்பட்டுள்ளது. இவர் மயிலாடுதுறை தொகுதியே கிடையாது இவரை யாரும் பார்த்ததும் இல்லை.. இவர் இந்த தொகுதியின் மாப்பிள்ளையாம் அதுவும் இவர் சொல்லி தான் தெரிகிறது. பட்டுக்கோட்டையில்தான் வசித்து வருகிறார். மாப்பிள்ளை என்பதால் மண்ணின் மைந்தராகிவிட்டதாங தனக்கு வாய்ப்பு வேண்டுமென்று போஸ்டர் அடித்து ஒட்டியுள்ளார்.