தமிழ்நாடு தொடக்க கல்வி ஆசிரியர் இயக்கங்களின் கூட்டு நடவடிக்கை குழுவான டிட்டோஜாக் சார்பில் ஆர்ப்பாட்டம் !

தாந்தோணி மலை வட்டார கல்வி அலுவலகம் முன்பு தமிழ்நாடு தொடக்க கல்வி ஆசிரியர் இயக்கங்களின் கூட்டு நடவடிக்கை குழுவான டிட்டோஜாக் சார்பில் ஆர்ப்பாட்டம். கரூர் மாவட்டம், தாந்தோணிமலை வட்டார கல்வி அலுவலகம் முன்பு, தமிழ்நாடு தொடக்க கல்வி ஆசிரியர் இயக்கங்களின் கூட்டு நடவடிக்கை குழுவான டிட்டோஜாக் சார்பில், அரசாணை 243 ரத்து செய்ய வலியுறுத்துதல் உள்ளிட்ட 31 அம்ச கோரிக்கைகளை தமிழக அரசு நிறைவேற்ற வலியுறுத்தி தொடர்ந்து மூன்று நாட்கள் நடைபெறும் ஆர்ப்பாட்டத்தில் இரண்டாம் நாள் ஆர்ப்பாட்டம் டிட்டோஜாக் தொடக்கப்பள்ளி ஒருங்கிணைப்பாளர் செல்லதுரை தலைமையில் நடைபெற்றது. இந்த ஆர்ப்பாட்டத்தில் தமிழ்நாடு ஆசிரியர் கூட்டமைப்பின் வட்டார செயலாளர் சதீஷ், ஆரம்பப்பள்ளி ஆசிரியர் கூட்டமைப்பின் செயலாளர் அமுதன், தமிழ்நாடு தொடக்கப்பள்ளி ஆசிரியர் மன்றத்தின் செயலாளர் ரேணுகா தேவி உள்ளிட்ட தொடக்கக் கல்வி ஆசிரியர்கள் சுமார் 75க்கும் மேற்பட்டோர் கலந்து கொண்டு தங்களது கோரிக்கைகளை வலியுறுத்தி கோஷங்களை எழுப்பினர்.