தீபாவளி : 3700 பேருக்கு வேஷ்டி சேலை வழங்கிய திருவாவடுதுறை ஆதீனம்

தீபாவளியை முன்னிட்டு திருவாவடுதுறை ஆதீனம் 2000 பெண்களுக்கு சேலை, 1700 ஆண்களுக்கு வேட்டி வழங்கினார். மயிலாடுதுறை மாவட்டம் குத்தாலம் அருகில் உள்ள திருவாவடுதுறை ஆதீன மடத்திற்குட்பட்ட திருவாவடுதுறை, திருவாலங்காடு, கரைகண்டம், துகிலி உள்ளிட்ட பல்வேறு கிராமங்களில் வசிக்கும் நலிவடைந்த மக்களுக்கு தீபாவளி பண்டிகைக்காக உடைகள் வழங்கப்பட்டது. இதில் 2 ஆயிரம் பெண்களுக்கு புடவைகளும், 1700 ஆண்களுக்கு வேட்டிகளையும் திருவாவடுதுறை ஆதீனம் 24-வது குருமகாசன்னிதானம் அம்பலவாணதேசிக பரமாச்சாரிய சுவாமிகள், வழங்கி அருளாசி கூறினார்.