கனமழையால் சரிந்த மரம்- போக்குவரத்தை சீர் செய்த ஊழியர்கள்

மேற்கு தொடர்ச்சி மலை பகுதிகளில் கடந்த சில நாட்களாக வட கிழக்கு பருவ மழை பெய்து வரும் நிலையில் அவ்வப்போது தொடர்ந்து கன மழை பெய்து வருவதால் சாலையில மண் அரிப்பு ஏற்பட்டு மரங்கள் சாய்ந்து வருகின்றது.இந்நிலையில் ஆழியாரை அடுத்த அறிவு திருக்கோயில் அருகே சாலையில் மரம் ஒன்று மழை காரணமாக வேரோடு சாய்ந்து விழுந்தது.

இதனால் வால்பாறை ஆழியார் செல்லும் முக்கிய சாலையில் போக்குவரத்து பாதிப்பு ஏற்பட்டது.இது குறித்து நெடுஞ்சாலை துறையினருக்கு தகவல் கொடுக்கப்பட்டதை அடுத்து சம்பவ இடத்திற்கு விரைந்த அதிகாரிகள் விரைவாக செயல்பட்டு சாலையில் விழுந்த மரத்தை அப்புறப்படுத்தினர். நீண்ட நேரத்திற்கு பிறகு ஆழியார் வால்பாறை சாலையில் போக்குவரத்து சீரமைக்கப்பட்டது.