அடையாளம் தெரியாத வாகனம் மோதி முதியவர் பலி

கரூர் அடுத்த அப்பிபாளையம் அருகே உள்ள கருப்ப பாளையம் ஏ கே பாரதி நகர் பகுதியைச் சேர்ந்தவர் பழனிச்சாமி வயது 77. இவர் ஏப்ரல் 30ஆம் தேதி மாலை 5 மணி அளவில், செட்டிபாளையத்தில் இருந்து அமராவதி டேம் செல்லும் சாலையில், செட்டிபாளையம் பகுதியில் உள்ள செந்தில்குமார் என்பவரது தோட்டத்தின் அருகில் நின்று கொண்டு இருந்தார். அப்போது அவ்வழியாக, வேகமாக வந்த அடையாளம் தெரியாத வாகனம் ஒன்று, நின்று கொண்டு இருந்த பழனிசாமி மீது மோதி விட்டு மின்னல் வேகத்தில் நிற்காமல் சென்று விட்டது.

இந்த விபத்தில் தலையிலும், முதுகிலும் பலத்த காயம் அடைந்த பழனிச்சாமியை மீட்டு, கரூர் அரசு மருத்துவக் கல்லூரி மருத்துவமனையில் சிகிச்சைக்காக அனுமதித்தனர். அங்கு சிகிச்சையில் இருந்து வந்த அவர் சிகிச்சை பலனின்றி நேற்று உயிரிழந்தார்.

இந்த சம்பவம் அறிந்த பழனிச்சாமியின் மகன் நல்லுசாமி வயது 44 என்பவர், சம்பவம் குறித்து காவல்துறையினருக்கு அளித்த புகாரின் பேரில், சம்பவ இடத்திற்கு விரைந்து வந்த காவல் துறையினர். உயிரிழந்த பழனிச்சாமியின் உடலை உடற்கூறு ஆய்வுக்காக மருத்துவக் கல்லூரி மருத்துவமனை சவக்கிடங்கிற்கு அனுப்பி வைத்து, இது தொடர்பாக வழக்கு பதிவு செய்து, விபத்து ஏற்படுத்திவிட்டு நிற்காமல் சென்ற அந்த வாகனம் எது? அதன் ஓட்டுனர் யார்? என்ற கோணத்தில் வழக்கு பதிவு செய்து விசாரணை மேற்கொண்டு வருகின்றனர்.