விவசாயிகள் முன்னேற்ற கழகம் சார்பில் வேட்பு மனு தாக்கல்

விவசாயிகள் முன்னேற்ற கழகம் சார்பில் வேட்ப மனு தாக்கல். நடைபெற உள்ள நாடாளுமன்ற தேர்தலில் போட்டியிடும் வேட்பாளர்கள் தொடர்ந்து மாவட்ட ஆட்சியரும், தேர்தல் அலுவலருமான தங்கவேல் முன்னிலையில் வேட்பு மனுவை தாக்கல் செய்து வருகின்றனர்.

இதன் அடிப்படையில் இன்று நாமக்கல் மாவட்டம் மோகனூரை தலைமை இடமாக கொண்டு செயல்படும் விவசாயிகள் முன்னேற்ற கழகம் சார்பில், கரூர் மாவட்டம், புலியூரில் மெடிக்கல் கடை நடத்தி வரும் சக்திவேல் இன்று கரூர் பாராளுமன்ற தொகுதியில் போட்டியிடுவதற்காக தனது வேட்பு மனுவை தாக்கல் செய்தார்.

வேட்புமனு தாக்கலின் போது அவரது கட்சி நிர்வாகிகள் மற்றும் கட்சியின் கரூர் மாவட்ட மருந்து வணிக சில்லறை விற்பனை அணி தலைவர் சாய் தங்கவேல் உள்ளிட்டோர் உடன் இருந்தனர். பிறகு, வேட்பாளர் உறுதிமொழி ஏற்று, தனது வேட்பு மனு தாக்கலை நிறைவு செய்தார் வேட்பாளர் சக்திவேல்.