டூவீலர் மீது நான்கு சக்கர வாகனம் மோதி விபத்து

கரூர் மாவட்டம், மின்னாம்பள்ளி அருகே, அம்பல கவுண்டம்புதூர் பகுதியைச் சேர்ந்தவர் நடேசன். வயது 61. இவர் பிப்ரவரி 27ஆம் தேதி காலை 8:20 மணி அளவில், கரூர் - கோவை சாலையில் அவரது டூவீலரில் சென்று கொண்டு இருந்தார். இவரது வாகனம், கரூர் நகர பகுதியில் உள்ள தீபம் கலர் லேப் அருகே சென்றபோது, பின்னால் வேகமாக வந்த அடையாளம் தெரியாத நான்கு சக்கர வாகனம் ஒன்று, நடேசன் ஓட்டிச் சென்ற டூவீலரின் பின்னால் மோதி விட்டு, கண்ணிமைக்கும் நேரத்தில் மின்னல் வேகத்தில் சென்று விட்டது.

இந்த சம்பவத்தில் வாகனத்துடன் கீழே விழுந்த நடேசனுக்கு இடது காலில் பலத்த காயம் ஏற்பட்டது. உடனடியாக அவரை மீட்டு தனியார் ஆம்புலன்ஸ் மூலம் ஈரோட்டில் உள்ள TPW மருத்துவமனையில் சிகிச்சைக்காக அனுமதித்தனர். இந்த சம்பவம் அறிந்த நடேசனின் உறவினர் ரமேஷ் வயது 33 என்பவர், இதுகுறித்து காவல்துறையினருக்கு அளித்த புகாரின் பேரில், சம்பவ இடத்துக்குச் சென்ற விசாரணை மேற்கொண்ட காவல்துறையினர், மோதிவிட்டு நிற்காமல் சென்ற அந்த அடையாளம் தெரியாத நான்கு சக்கர வாகனம் எது? அதன் ஓட்டுனர் யார்? என்ற கோணத்தில் வழக்கு பதிவு செய்து விசாரணை மேற்கொண்டு வருகின்றனர் கரூர் மாநகர காவல் துறையினர்.