ரவுடி கொலை வழக்கில் 3 பேருக்கு குண்டாஸ்

மயிலாடுதுறை நகரில் மார்ச் 20-ஆம் தேதி ரவுடி அஜித்குமார் என்பவர் கொலை செய்யப்பட்ட வழக்கில் 11 பேர் கைது செய்யப்பட்ட நிலையில், அவர்களில் 6 பேர் ஏற்கெனவே குண்டர் தடுப்புச் சட்டத்தில் அடைக்கப்பட்டுள்ளனர். இந்நிலையில், இவ்வழக்கில் சிறையில் உள்ள சத்தியநாதன்(20), நாகராஜ்(27), சத்தியசீலன்(23) ஆகிய 3 பேர் மீதும் மயிலாடுதுறை மாவட்ட எஸ்.பி மீனா பரிந்துரையின் பேரில் மாவட்ட ஆட்சியர் ஏ.பி.மகாபாரதி குண்டர் தடுப்புச்சட்டத்தின்கீழ் அடைக்க உத்தரவிட்டார். அதன்பேரில், மாவட்ட ஆட்சியரின் உத்தரவு நகலை மயிலாடுதுறை டிஎஸ்பி திருப்பதி எடுத்துச் சென்று திருச்சி மத்திய சிறையில் ஒப்படைத்தார்.