டாக்டர் அம்பேத்கர் இளைஞர் மன்றம் சார்பில் கபடி போட்டி

கரூர் மாநகராட்சிக்கு உட்பட்ட வெங்கக்கல்பட்டியில் டாக்டர்.அம்பேத்கார் இளைஞர் நற்பணி மன்றம் சார்பில் பொங்கல் பண்டிகை முன்னிட்டு பல்வேறு விளையாட்டுப் போட்டிகள் நடைபெற்றது. நேற்று இரவு நடைபெற்ற கபடி போட்டியினை தாந்தோணி மலை காவல் ஆய்வாளர் ஓம் பிரகாஷ் துவக்கி வைத்தார். போட்டி தூங்கும்போது போட்டியில் பங்கேற்ற கபடி வீரர்களுக்கு கை கொடுத்து வாழ்த்து தெரிவித்தார். நேற்று நடைபெற்ற போட்டியில் மின்னல் அணி,இடி அணி என இரண்டு அணிகளும் போட்டியை எதிர்கொண்டது. போட்டியில் கபடி வீரர்கள் வெற்றி பெறும் முனைப்போடு தங்களது திறன்களை வெளிப்படுத்தி பரபரப்பான ஆட்டமாக மாற்றினர். இரண்டு அணிகளும் ஒருவருக்கொருவர் சளைத்தவர்கள் அல்ல என்ற வகையில் கபாடி விளையாட்டை விளையாண்டதால் பார்வையாளர்கள் பரவசம் அடைந்தனர்.