திருவள்ளுவர் மைதானத்தில் கரூர் கூடைப்பந்து குழு தலைவர் நேரில் ஆய்வு

கரூர் மாநகராட்சிக்கு உட்பட்ட திருவள்ளுவர் மைதானத்தில் வருகின்ற 22 ஆம் தேதி நடைபெற உள்ள 64 ஆம் ஆண்டு எல்.ஆர்.ஜீ நாயுடு நினைவுச் சுழற் கோப்பை ஆண்களுக்கான அகில இந்திய கூடைப்பந்து போட்டி மற்றும் 10ஆம் ஆண்டு KVB கோப்பை பெண்களுக்கான அகில இந்திய கூடைப்பந்து போட்டியும் நடைபெற உள்ளது.

போட்டி நடைபெறும் திருவள்ளூர் மைதானத்தை, கரூர் கூடைப்பந்து குழு தலைவர் பாஸ்கர் பார்வையிட்டு ஆய்வு செய்தார். இந்த ஆய்வின்போது விளையாட்டு வீரர்களுக்கு ஏற்றவாறு அனைத்து வசதிகளும் செய்யப்பட்டுள்ளதா? பார்வையாளர்களுக்கான கேலரி தரமாக அமைக்கப்பட்டுள்ளதா? என்பது உள்ளிட்ட பல்வேறு வசதிகள் குறித்து ஆய்வு மேற்கொண்டார்.

இந்த ஆய்வின்போது, கரூர் கூடைப்பந்து குழுவின் செயலாளர் M. கமாலுதீன் மற்றும் செந்தில், வெங்கடேஷ், அமீன், எம்.சுரேஷ், ரவி, ஜீவா உள்ளிட்டோர் கலந்து கொண்டனர்