நாம் தமிழர் கட்சி வேட்பாளர் மருத்துவர் கருப்பையா தனது வாக்கை பதிவு செய்தார்

நாம் தமிழர் கட்சி வேட்பாளர் மருத்துவர் கருப்பையா தனது வாக்கை பதிவு செய்தார். கரூர் நாடாளுமன்ற தொகுதியில் நாம் தமிழர் கட்சி சார்பில் வேட்பாளராக போட்டியிடுபவர் மருத்துவர் கருப்பையா. இன்று கரூர் மாநகராட்சிக்கு உட்பட்ட கோட்டைமேடு அரசு மேல்நிலைப் பள்ளியில் தனது வாக்கினை பதிவு செய்ய வந்தார். தேர்தல் அலுவலர்கள் வாக்காளர் பட்டியலில் மருத்துவர் கருப்பையாவின் ஆவணங்களை சரி பார்த்து பின்னர் அவர் இடது கை ஆள் காட்டி விரலில் மையை வைத்த பிறகு, வாக்கு செலுத்த அனுமதி அளித்தனர். இதனை தொடர்ந்து மின்னணு இயந்திரத்தில் தனது வாக்கை பதிவு செய்தார் நாம் தமிழர் கட்சி வேட்பாளர் கருப்பையா.