சைக்கிள் மீது மோதிய இருசக்கர வாகனம் – ஒருவர் படுகாயம்

கரூர் மாநகராட்சிக்குட்பட்ட சுங்ககேட் கங்காநகர் 2வது கிராஸ் பகுதியைச் சேர்ந்தவர் கிருஷ்ணச்சந்திரதாஸ் வயது 52. இவர் ஏப்ரல் 16ஆம் தேதி இரவு 9.30 மணி அளவில், பாளையத்திலிருந்து கரூர் செல்லும் சாலையில் அவரது சைக்கிளில் சென்று கொண்டிருந்தார். இவரது வாகனம் தாந்தோணி மலை ராயல் கோச் அருகே வந்தபோது, அதே சாலையில், கரூர் மாவட்டம், புலியூர், வைத்தியர் காலனி பகுதியைச் சேர்ந்த சந்தானபாரதி வயது 29 என்பவர் வேகமாக ஓட்டி வந்த டூ வீலர் கிருஷ்ணசந்திரதாஸ் ஓட்டி சென்ற சைக்கிள் மீது மோதி விபத்து ஏற்பட்டது.

இந்த விபத்தில் சைக்கிள் உடன் கீழே விழுந்த கிருஷ்ண சந்திராதாசுக்கு வலது கால், வலது தோள்பட்டை பகுதிகளில் பலத்த காயம் மேற்பட்டதால், உடனடியாக அவரை மீட்டு, கரூரில் உள்ள ராமன் மருத்துவமனையில் சிகிச்சை அனுமதித்தனர். இந்த சம்பவம் குறித்து கிருஷ்ணசந்திரதாஸ் அளித்த புகாரின் பேரில், சம்பவ இடத்துக்கு சென்று விசாரணை மேற்கொண்ட காவல்துறையினர், டூவீலரை வேகமாகவும் கவனக்குறைவாகவும் ஓட்டி விபத்து ஏற்படுத்திய சந்தான பாரதியின் மீது வழக்கு பதிவு செய்துள்ளனர் தாந்தோணி மலை காவல்துறையினர்.