பாலாற்றங்கரை ஆஞ்சநேயர் கோயிலில் வெள்ளப்பெருக்கு; பக்தர்கள் செல்ல தடை

பொள்ளாச்சி,கிணத்துக்கடவு உள்ளிட்ட பகுதிகளில் பரவலாக மழை பெய்து வருகிறது. இதனால் ஆங்காங்கே தண்ணீர் கரைபுரண்டு ஓடுகிறது.இந்நிலையில் ஆழியார் மற்றும் அதனை சுற்றியுள்ள பகுதிகளில் நேற்று இரவு பெய்த கனமழையின் காரணமாக ஆழியார் அணைக்கரையை அடுத்துள்ள பாலாற்றங்கரை ஆஞ்சநேயர் கோயிலில் வெள்ளப்பெருக்கு ஏற்பட்டுள்ளது.

இன்று சனிக்கிழமை என்பதால் பாலாற்றங்கரை ஆஞ்சநேயர் கோயிலில் ஆஞ்சநேயருக்கு சிறப்பு வழிபாடுகள் நடைபெறும். ஆற்றில் வெள்ளப்பெருக்கு ஏற்பட்டுள்ளதால் கோயிலுக்கு வந்து பக்தர்கள் தரிசனம் செய்ய செல்ல கோயில் நிர்வாகம் தடை விதித்துள்ளது. இதனால் பக்தர்கள் ஏமாற்றம் அடைந்தனர்.