தனியார் ஓட்டலில் சிலிண்டரில் கேஸ் கசிவால் பதட்டம்

தனியார் ஓட்டலில் சிலிண்டரில் கேஸ் கசிவால் பதட்டம். தீயணைப்பு துறையினர் வந்து மீட்பு பணியில் ஈடுபட்டதால் அசம்பாவிதம் தவிர்ப்பு. கரூர் மாநகராட்சிக்கு உட்பட்ட மேற்கு மடவிளாகம் பகுதியில் செயல்படும் தனியார் ஹோட்டலில் பயன்படுத்திய, தனியார் நிறுவன எரிவாயு உருளை அடி பாகத்தில் துரு பிடித்து இருந்ததால், இன்று சமையலுக்கு பயன்படுத்தும் போது கேஸ் கசிவு ஏற்பட்டுள்ளது. இதனை அறிந்த கடை உரிமையாளர் கரூர் தீயணைப்பு நிலையத்திற்கு அளித்த தகவலின் பேரில், சம்பவ இடத்திற்கு விரைந்து வந்த தீயணைப்பு நிலைய வீரர்கள், சிலிண்டரை கடைக்கு வெளியே கொண்டு வந்து அதன் மீது தண்ணீரை பீச்சி அடித்து குளிர்வித்தனர். பின்னர் கசிவு ஏற்பட்ட இடத்தில் தற்காலிகமாக அடைப்பு ஏற்படுத்தினர்.இதனால் பெரிய அளவில் விபத்து ஏற்பட இருந்தது தவிர்க்கப்பட்டது.பிறகு அந்த சிலிண்டரை தீயணைப்பு நிலைய வீரர்கள் அதில் உள்ள கேஸ் வெளியேற்றுவதற்காக எடுத்துச் சென்றனர்.இதனால் சிறிது நேரம் அப்பகுதியில் பரபரப்பு ஏற்பட்டது.