பொள்ளாச்சி : பாஜக வேட்பாளரை ஆதரித்து வானதி சீனிவாசன் பரப்புரை

தமிழகத்தில் வருகின்ற 19.ஆம் தேதி ஒரே கட்டமாக மக்களவைத் தேர்தல் நடைபெற உள்ளது. இதற்காக திமுக , அதிமுக ,பாரதிய ஜனதா கட்சி சேர்ந்த வேட்பாளர்கள் மற்றும் நிர்வாகிகள் தீவிர தேர்தல் பரப்புரையில் ஈடுபட்டு வருகின்றனர்.

இதன் ஒரு பகுதியாக உடுமலைப்பேட்டை அடுத்துள்ள தும்மலைப்பட்டி பகுதியில் வாக்கு சேகரிப்பில் ஈடுபட்டு பேசிய வானதி ஸ்ரீனிவாசன் கடந்த 10 ஆண்டுகால பிரதமர் நரேந்திர மோடியின் ஆட்சி காலத்தில், பொள்ளாச்சி நாடாளுமன்ற தொகுதியில் அனைத்து வீடுகளுக்கும் கழிவறை வசதி, தண்ணீர் வசதிகள், பிரதம மந்திரி வீடு கட்டும் திட்டங்களால் பலர் பயனடைந்ததை எடுத்துரைத்து வாக்கு சேகரித்தார்..மேலும் வசந்த ராஜன் தனிப்பட்ட முறையில் பலருக்கு உதவி செய்யும் பண்புடையவர், உழைப்புக்கு பெயர் போனவர் அவரை மக்கள் நிச்சயம் வெற்றி பெற வைப்பார்கள் என்று நம்புகிறேன். என்று பிரச்சாரம் செய்தார்.