வாங்கலில் அடையாளம் தெரியாத ஆண் உடல் மீட்பு: வழக்கு பதிவு

கரூர் மாவட்டம், வாங்கல் காவல் எல்லைக்குட்பட்ட கோவில்பாளையம் பகுதியில் உள்ள அப்பு கவுண்டர் தோட்டத்தின் அருகே 30 முதல் 35 வயது மதிப்புடைய ஒரு ஆண் உடல் அப்பகுதியில் இருந்ததை கண்ட அப்பகுதி பொதுமக்கள், அது குறித்து கரூர் மாவட்டம், மண்மங்கலம் வட்டம், நன்னியூர் கிராம நிர்வாக அலுவலர் கவிதாவுக்கு தகவல் அளித்தனர்.

சம்பவ இடத்திற்கு வந்த கிராம நிர்வாக அலுவலர் கவிதா ஆண் உடல் கிடப்பதை உறுதி செய்த பிறகு, அது குறித்து காவல்துறையினருக்கு அளித்த புகாரின் பேரில், சம்பவ இடத்துக்கு விரைந்து வந்த காவல்துறையினர், அடையாளம் தெரியாத ஆண் உடலை மீட்டு, அடையாளம் காண்பதற்காக கரூர் அரசு மருத்துவக் கல்லூரி மருத்துவமனை சவக்கிடங்கில் இருப்பு வைத்து,

இது தொடர்பாக வழக்கு பதிவு செய்து, இறந்தவர் யார்? எந்த ஊரை சேர்ந்தவர்? அவரது பெயர்? அவரது உறவினர்கள் மற்றும் அவரது விலாசம் குறித்து விசாரணை மேற்கொண்டு வருகின்றனர் வாங்கல் காவல்துறையினர்.